Bauco-à-plumet(-de-la-cambo-lanudo)
Stipa eriocaulis
Poaceae Graminaceae
Àutri noum : Péu-de-sant-Jan, Lanceto, Chavus d'ange.
Noms en français : Stipe à tige laineuse, Plumet de France.
Descripcioun :Aquesto bauco-à-plumet trachis dins li colo e mountagno sus cauquié dessus 600 m. Es uno planto eisado de recounèisse emé si grand plumet vo péu-de-sant-Jan. Pamens la classificacioun s'es un pau coumplicado e fau espicha de proche li péu de la lemma (qu'èi dessus ço que lis ancian apelavon la lanceto, vèire çai-contro) que dèu agué la ligno de péu dóu mitan (d'esquino) courteto e li dóu dessouto longo ; En mai d'acò dèu pas i'agué de long péu sus li jóuini fueio. Coumpara emé lis àutri bauco-à-plumet.
Usanço :Bessai que lis enfant mandavon li grano pourtado pèr lou plumet coume de pichòti lanço ? Escriéure au site se n'en sabès mai.
Port : Grando erbo
Taio : 25 à 80 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo
Gènre : Stipa
Famiho : Poaceae
Famiho classico : Graminaceae
Ordre : Poales
Coulour de la flour :
Blanco
Petalo : ges
Ø (o loungour) enflourejado : 25 à 30 cm
Flourido : Printèms
- Estiéu
Sòu : Ca
Autour basso e auto : 600 à 2200 m
Aparado : Noun
Jun à juliet
Liò : Tepiero roucaiouso
- Roucas
Estànci : Mountagnard à Subaupen
Couroulougi : Éuroupenco-Sud-Ouèst
Ref. sc. : Stipa eriocaulis Borbás, 1878
Ègo(-di-fueio-cihado)
Iberis ciliata
Brassicaceae Cruciferae
Nom en français : Ibéris à feuilles ciliées.
Descripcioun :L'ègo-di-fueio-cihado trachis dins li tepiero roucaiouso o sablouso subretout sus douloumito. Fai de grosso e bèllis enflourejado blanco o de cop que i'a roso. Se recounèis à si fueio cihado ; aquéli d'en bas soun en espatulo alor que li d'en aut soun bèn mai primo. La planto èi marcado sus la listo roujo, categourìo VU (vulnerablo).
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 10 à 30 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico
Gènre : Iberis
Famiho : Brassicaceae
Famiho classico : Cruciferae
Ordre : Brassicales
Coulour de la flour :
Blanco
Petalo : 4
Ø (o loungour) flour : 1 à 2,5 cm
Flourido : Printèms
- Estiéu
Sòu : Ca
Autour basso e auto : 0 à 1200 m
Aparado : Noun
Mai à juliet
Liò : Tepiero roucaiouso
- Tepiero sablouso
Estànci : Mesoumediterran à Subremediterran
Couroulougi : Éurimediterrano-Ouèst
Ref. sc. : Iberis ciliata All., 1789